رآئع بشخص رائع
 
الرئيسيةس .و .جبحـثالأعضاءالمجموعاتالتسجيلدخول

شاطر | 
 

 ســـــــــــــــــــــــــوآإلف الخــــــــــــــفــــــــــآق

اذهب الى الأسفل 
كاتب الموضوعرسالة
Admin
Admin


المساهمات : 2
تاريخ التسجيل : 24/10/2008

مُساهمةموضوع: ســـــــــــــــــــــــــوآإلف الخــــــــــــــفــــــــــآق   الجمعة أكتوبر 24, 2008 6:07 pm

الى متى وانا اتحرا شوفتك قدلي ليال
والى متى وانا اسأل الخفاق عنك واسئلك


متاك بتعجل علي بجيتك يابن الحلال
ماتشوفني اقف على شاطىء البحر واتخيلك


والى متى بابقى على حلم الليالي والخيال
اشوف صورة مبسمك وسط البحر واجمالك


واضحك معك واضحك على نفسي وعيني للزوال
واقول وينك وش كثر ياصاحبي مشتاق لك


والى متى وانا اتخيل شوفتك عندي محال
انا ليا قلت اصلك يعني تراني باصلك


لكن ابيك انت الذي تاتي وناوي بالوصال
وتضمني وابيك تسألني انا استاهلك؟


وانا بجيك بكبريائي واسئلك هذا سؤال؟
يا اخي ترى لو ماانت غالي كان ما اتأملك


يردني عن شوفتك لبس العمامه والعقال
والا الغلا اعرف غلاي اللي سكن في داخلك


ويردني لاسقت رجلي سلم تعرفه الرجال
عند البدو عيب على اتي حراوي منزلك


والنار تشعل في خفوقي كان ماجالي مجال
وعن شوفتك يكفيني اني بس لاجيت اهلك


وانشد واسلم واتقهوا لا استوت صفر الدلال
واخذ علومك واستوي بين العرب كني ملك


واشعر بأني ممتلك ذا الكون من سلطه ومال
وطاريك يكفي عن ملايين الذهب لو ما امتلك


وش حيلتي لاصرت راجي شوفتك والحظ مال
والوقت مايرحم واحس اني وحيدن في الفلك


الا شجاعا طاح من جور الغدر وقت القتال
جرحه عطيب وضاع في الصحرا ومات من الهلك


ياصاحبي عقب الضما والجوع يازين الظلال
وانا اتحرا شوفتك والا اعرف اللي مشغلك


عزي لحالي كل ماهب الهوا لي من شمال
ذابت معاليقي على قلبي ليامن ذاب لك


واشيل حزن ماتشيله فوقها صم الجبال
اليا طرت لي ساعه الفرقا وفرحه عاذلك


من يوم غبت وفي ضميري حزن وهموم وسؤال
مع الاسف ماشفت وجهك كيف بقدر اسئلك


الى متى وانا اتحرا جيتك قدلي ليال
والى متى وانا اتمشى في حراوي منزلك


والى متى وانا اتخيل شوفتك عندي محال
والى متى والحظ مايل لابغيت ان اصلك sunny
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://ajml.yoo7.com
 
ســـــــــــــــــــــــــوآإلف الخــــــــــــــفــــــــــآق
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
خزون :: الحـــــب-
انتقل الى: